Мыйзамсыз менчиктештирилген темир жол тилкеси мамлекетке кайтарылды (фото)

УКМК "Кызыл-Кыя көмүр" акционердик коому тарабынан темир жол тилкесин мыйзамсыз менчиктештирүү жана мамлекеттик менчиктен чыгаруу фактысын аныктады.

Аталган мекемеден билдиришкендей, Кызыл-Кыя шаарынын мэриясынын 2004-жылдагы чечими менен жалпы аянты 10 860 гектар болгон темир жол (курулмалары жана техникалары менен), ошондой эле жалпы аянты 11 131 чарчы метр болгон 1,3 гектар бала бакчанын имараты жана Ош облусунун Ноокат районунун Ак-Булуң айылында жайгашкан 937,2 чарчы метр аянттагы балдар лагеринин имараты акционердик коомдун балансына өткөрүлүп берилген.

Көрүлгөн чаралардын натыйжасында аталган объекттер мамлекеттин менчигине кайтарылган.

УКМК мурда мыйзам бузуу менен мамлекеттик менчиктен чыгарылып, мыйзамсыз менчиктештирилген объекттерди аныктоо жана кайтаруу иштерин улантууда.