Аргентина Украинага куралдуу күчтөрүн жөнөтүүгө даяр

Аргентинага тиешелүү өтүнүч түшсө, анда Украинага куралдуу күчтөрүн жөнөтүү мүмкүнчүлүгүн карап чыгат. Бул тууралуу Орусиядагы Аргентинанын элчиси Энрике Игнасио Феррер Виейра билдирди.

"Эгерде Украинада коопсуздукту камсыз кылуу үчүн аргентиналык аскерлер талап кылынса, президент ал мүмкүнчүлүктү сөзсүз түрдө карап чыгууга даяр болот", — деди дипломат.

Элчинин айтымында, Аргентинанын президенти Хавьер Милей аймакта тынчтык орношун жана карама-каршылыктарды күч колдонбостон чечүүнү каалайт. Виейранын пикиринде, буга БУУ сөзсүз түрдө катышышы керек.

4-сентябрда Парижде «Каалоочулардын коалициясы» деп аталган топко кирген 30дан ашык өлкөнүн лидерлери жолугушкан. Жолугушуунун негизги максаты Украина үчүн коопсуздук кепилдиктерин акыркы ирет макулдашуу болду.

Жыйынтыгында Франциянын президенти Эммануэль Макрон 26 өлкө ок атышууну токтоткондон же тынчтык келишимине жетишилгенден кийин Украинага өз аскерлерин жөнөтүүгө даяр экенин билдирди.