Шашылыш билдирүү: Өлкөдө жаан жаап, тоолуу райондордо кар жаашы күтүлөт

16–18-сентябрда Кыргызстанда аба ырайы кескин өзгөрөт. Мезгил-мезгили менен жамгыр жаайт, күн күркүрөйт, тоо кыркаларында кар түшөт. Бул тууралуу бүгүн, 14-сентябрда ӨКМ билдирди.

Маалым болгондой, абанын температурасы 16–18-сентябрда:

• Чүй өрөөнүндө түнкүсүн +6…+11, күндүз +17…+22,
• Талас жергесинде түнкүсүн +2…+7, күндүз +15…+20,
• Ош, Жалал-Абад жана Баткен облустарында түнкүсүн +9…+14, күндүз +20…+25,
• Ысык-Көлдө түнкүсүн +4…+9, күндүз +15…+20,
• Нарын облусунда түнкүсүн+2…+7, күндүз +16…+21 градус болот.

Ал эми тоолуу райондордо түнкүсүн 0…+5, күндүз +9…+14 градус болсо, бийик тоолуу аймактарда түнкүсүн -2…-7 градус суук, күндүз +1…+6 градуска жылыйт.

Мекемеден билдиришкендей, мындай туруксуз аба ырайы автотранспорттун, байланыш, энергетика жана коммуналдык кызматтардын ишин татаалдаштырып, малды жайытка чыгарып кармоого да тоскоолдук жаратышы мүмкүн.