Трамп Путин менен Зеленскийдин жакын арадагы жолугушуусу мүмкүн экенин айтты

АКШ президенти Дональд Трамптын айтымында, Орусиянын президенти Владимир Путин жана Украина президенти Владимир Зеленский жакын арада жолугушушу мүмкүн. Бул тууралуу орусиялык РИА Новости басылмасы жазды.

"Билбейм. Салыштырмалуу жакын арада. Бул маселени биз кандай жол менен болсо да чечебиз",- деген ал.

Трамп ошондой эле Путин менен Зеленский бири-бирин ушунчалык жек көрөрүн, бул аларга сүйлөшүүгө жол бербей жатканын белгилеп, ортодо диалогду өзү жүргүзүүгө туура келиши мүмкүн экенин айтты.

Мунун алдында Путин эгер Зеленский жолугушууга даяр болсо, Москвага келсе болорун билдирген. Украина лидери бул сунуштан баш тартып, ошол эле учурда "ар кандай форматта сүйлөшүүгө даярмын" деп карама-каршы билдирүү жасаган.