Рустам Минниханов төртүнчү жолу Татарстандын башчысы болуп шайланды

Татарстандын учурдагы башчысы Рустам Минниханов шайлоодо 88,22 пайыз добуш алуу менен жеңишке жетишти. Бул тууралуу Борбордук шайлоо комиссиясы протоколдордун 97,1 пайызы иштелип чыккандан кийин жарыялаганын чет лдик басылмалар жазышууда.

Миннихановдон башка үч талапкер да болгон. Алар Татарстан Мамлекеттик кеңешинин депутаты Хафиз Миргалимов (КПРФ), Орусиянын пенсионерлер партиясынан Виталий Смирнов жана ЛДПРдан Руслан Юсупов.

Минниханов учурда 68 жашта. Ал Татарстанды 2010-жылдан бери жетектеп келет жана буга чейин эки жолу - 2015 жана 2020-жылдары кайра шайланган. 2005–2010-жылдары республика өкмөтүнүн премьер-министри кызматын аркалаган.

Буга чейин Орусияда аймак башчылары эки ирет гана катарынан шайланууга укуктуу болчу, бирок бул чектөө 2021-жылы алып салынган.