Исхак Масалиев: "Балбак айтса эле ишке ашабы?" (видео)

Бүгүн, 17-сентябрдагы Жогорку Кеңештин жыйынында депутат Исхак Масалиев депутаттардын сүйлөөгө жазылган кезегинин өзгөрүшүнө нааразы болуп, парламент төрагасы Нурланбек Тургунбек уулуна кайрылды.

"Урматтуу төрага, биз кезекке жазылдык эле, аны эмне себептен кайра добушка коюп койдуңуз? Өзгөрүлүп кетти да, 16-болуп жазылганыбыз, 25-болуп калдык. Балбак (ред.: депутат Балбак Түлөбаев) суранганы үчүн кайра добушка койдуңузбу? Ошол тизмени кайра ордуна коюп коюңуз. Балбак айтса эле ишке ашабы?"- деди ал.

Төрага тизме бир эле Балбак Түлөбаев эмес, көпчүлүк эл өкүлдөрү сурангандыктан кайра добушка коюлганын айтты.

Жыйындын башында депутаттардын сүйлөө үчүн тизмеси таблого чыгарылган, бирок Балбак Түлөбаев кайрылган соң тизме кайрадан добушка коюлду.