Дүйнөлүк жылдыздар Палестинага тилектештик билдирди

Лондондо өткөн "Палестина үчүн биргеликте" (Together for Palestine) аттуу онлайн-концерттин алдында дүйнөгө белгилүү бир катар өнөрпоздор Палестинага колдоо көрсөтүүгө чакырык жасашты. Билли Айлиш, Силлиан Мёрфи, Хоакин Феникс, Хавьер Бардем, Брайан Кокс жана Стив Куган баштаган атактуулар видео кайрылуу жарыялап, Палестинага тилектештик билдиришти. Бул тууралуу чет өлкөлүк басылмалар жазышты.

Маалым болгондой, актёрлор жана ырчылар "ок атышууну токтотууга, курмандыктарды азайтууга" чакырышты. Британдык актёр Стив Куган "окуялар бүткөндөн кийин эмес, дал азыр үнүңдү чыгарышың маанилүү" деп, өкмөттөргө басым жасоого үндөдү.

Концерттен түшкөн каражат Таавон (Welfare Association), палестиналык балдарга жардам фонду (PCRF) жана Палестина медициналык жардам ассоциациясы (PMRS) сыяктуу уюмдарга багытталары белгиленди.