Жанар Акаев өкмөттү Орусиядагы мигранттардын балдарын окутуу боюнча маселени чечүүгө чакырды

Депутат Жанар Акаев өкмөттү Орусияда эмгектенген мекендештердин балдарынын окуусу боюнча маселелерди чечүүгө чакырды.

Ал бүгүн, 18-сентябрдагы Жогорку Кеңештин жыйынында эмгек мигранттарынын балдарынын көпчүлүгү окууга өтө албай жатышканын белгилеп, сүйлөшүүлөрдү жүргүзүү керектигин айтты.

"Орусияда жаңы мыйзам чыгып, мигранттардын балдары мектептерге экзамен аркылуу кирип калышты. Алардын балдарынын көпчүлгү экзаменден кулап калып жатат. Биз бул боюнча сүйлөшүүлөргө барып, маселени чечишибиз керек. Биздин балдарыбыздын билимге болгон укуктары бузулуп жатат. Алар "жок дегенде Кыргызстан менен байланышып, онлайн окуйлу" деп суранып жатышат", - деди Акаев.