Зеленский Украинанын келерки жылга пландарын жарыялады

Украина президенти Владимир Зеленский Орусия менен болгон конфликт боюнча өлкөнүн келерки жылга карата пландарын "А" жана "Б" деп бөлүп белгиледи. Бул тууралуу "Страна.ua." басылмасы жазды.

Маалыматка ылайык, анын айтымында, план "А" – согушту быйыл эле токтотуу, План "Б" – 120 миллиард долларлык каражатты табуу. Зеленский Киев буга чейин келерки жылдын бюджетине согушту улантуу үчүн 60 миллиард доллар киргизилгенин, калган 60 миллиардды тапшыруу зарылдыгын айтты.

Эске салсак, буга чейин АКШдан Киевге НАТО өлкөлөрүнүн каражаты менен берилген биринчи аскерий жардам пакеттери Украинага жөнөтүлүп жаткандыгы кабарланган.

Орусия болсо Украинага курал жеткирүүнү сүйлөшүүлөргө тоскоолдук жана НАТО өлкөлөрүн түздөн-түз конфликтке аралаштыруу деп эсептейт.