Apple компаниясынын жыгач корпусунда жасалган алгачкы компьютери аукционго коюлду

RR Auction аукционунда сейрек кездешүүчү жана толугу менен иштеген Apple-1 компьютери сатыкка чыкты. Ал түпнуска Byte Shop жыгач корпусуна салынган. Бул үлгү – жыгач футлярда сакталган болгону тогуз Apple-1 үлгүсүнүн бири болуп эсептелет. Аукцион 20-сентябрда аяктайт. Бул тууралуу Tom's Hardware (TH) кабарлады.

1976-жылы чыгарылган жыгач корпусундагы бул компьютердин алдын ала баасы 300 000 долларды түзөт. Бул бааны лоттун ээси жарыя кылган.

Бул Apple-1 толугу менен иштейт жана лоттун сүрөттөмөсүнө ылайык, иштеши үчүн керектүү болгон бардык компоненттер жана аксессуарлар менен кошо сатылат. Компьютердин өзү жакшы иштөө абалында жана топтомго кассеталык интерфейс, клавиатура, монитор жана программалык камсыздоо кирет.

Аукцион үйү түзмөктүн абалын 10 баллдан 8,0 деп баалаган.