Ооганстандагы "Баграм" аба базасында жарылуу болду   

Ооганстандын Парван облусундагы "Баграм" аба базасынында жарылуу болду. Бул тууралуу Afganistan International телеканалы булактарына таянып кабарлады.

Маалыматка караганда, жарылуу аскердик объекттин чыгыш жагында болгон. Азырынча жарылуунун себептери айтыла элек. Телеканал кошумчалагандай, адистер табылган жардыруучу заттарды көзөмөлдөшүүдө.

Буга чейин АКШ президенти Дональд Трамп Truth Social социалдык тармагында Вашингтон "Баграм" аба базасын кайра көзөмөлгө алууну пландап жатканы тууралуу билдирген. Ал Ооганстан бул нерсеге макул болбосо, анын кесепеттери болорун эскерткен.

2001-2021-жылдары "Баграм" аэродрому АКШ жетекчилигиндеги эл аралык коалициянын эң чоң базасы болуп саналган, ал эми 2021-жылы 15-августта база "Талибан" кыймылынын көзөмөлүнө өткөн.