Бишкекте курулуш компаниясынын өкүлү алдамчылыкка шектелип кармалды

Бишкекте алдамчылыкка шектелип 41 жаштагы киши кармалды. Бул тууралуу шаардык милиция билдирди.

Маалыматка ылайык, милицияга арыз менен кайрылган жаран "Спец Гидро Энерго Строй" ЖЧКсынын жооптуу адамына карата мыйзамдуу чара көрүп берүүнү суранган. Анын айтымында, шектүү былтыр 9-январда Каралаев көчөсүндө жайгашкан үйдөн 1 бөлмөлүү батир берүү шылтоосу менен 2 миллион 786 миң 523 сомун алып, бүгүнкү күнгө чейин убадасын аткарбай жүргөн.

Аталган факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон. Шектүү убактылуу кармоочу жайга киргизилген. Борбор калаа милициясы учурда шектүүгө карата 19 кылмыш иши козголгонун кошумчалады.