Бишкекте Кытайдан алынып келинген электробустар жүргүнчүлөрдү тейлей баштайт

Бишкекте электробустар каттамга чыгат. Бул тууралуу бүгүн, 23-сентябрда борбор калаанын мэриясы билдирди.

Маалымдагандай, электробустар 25-сентябрдан тартып 2 баскыч менен каттамга чыгат. Алгачкы этапта электробустар №4, №10, №11 каттамдарга чыгарылса, кийинки апта ичинде №14, №66 жана №33 каттамдарга чыгарылат.

"№66 жана №33 каттамдары жаңыдан киргизилген багыттар. Ал эми 11-номурдагы каттам мурдагы троллейбустун кыймылы жаңыртылып, эми заманбап электробустар менен тейленет", - деп айтылат маалыматта.

Эскерте кетсек, жыл башында Кытайдан 120 жаңы электробус алып келинип, мурдагы Троллейбус башкармалыгынын ордуна ДЕПО-1 жана ДЕПО-2 толук реконструкцияланып, толугу менен электробустарды тейлөөгө ыңгайлаштырылган.