Алайда милиция кызматкерлеринин апалары жана жубайлары сыйланышты

Бүгүн, 25-сентябрда Алай РИИБинин башчысы Чынгызбек Иманалиев кызматкерлердин энелерине жана жубайларына "Кадырман Эне" жана "Офицердин жубайы" медалдарын тапшырды. Бул тууралуу Ош облустук милициясы билдирди.

Иманалиев калкыбыздын коопсуздугун сактоодо, кылмыштуулук менен күрөшүүдө кызматкерлерге ар дайым жөлөк болуп, чоң күч, дем жана бакыт берип келген энелердин жана жубайлардын жасаган эмгеги опол тоодой экенин баса белгиледи.

Өз кезегинде сыйлоо үчүн чакырылган энелер жана кызматкерлердин жубайлары РИИБ жетекчисине ыраазычылык билдиришип, алган сыйлыктары менен сыймыктанышарын белгилеп, ак баталарын беришти.