Жети облустун жаштары "Аракет кылуу мезгили" студенттик демилге форумунда биригишти

Кыргызстандын жети облустунан 100дөн ашык студенттер "Аракет кылуу мезгили" студенттик демилге форумуна чогулушту. Иш-чараны Маданият, маалымат, спорт жана жаштар саясаты министрлигинин жана Илим, жогорку билим жана инновация министрлигинин колдоосу менен "Евразия" бейөкмөт уюму уюштурган.

Форум 26-сентябрдан 28-сентябрга чейин Ысык-Көлдүн Чолпон-Ата шаарында жайгашкан "Евразия" пансионатында өттү.

Форумдун максаты - жаш лидерлердин коомчулугун түзүү, жарандык демилгелерди өнүктүрүү, студенттер менен мамлекеттик органдардын ортосундагы диалогду күчөтүү болгон. Үч күндүн ичинде катышуучулар учурдагы көйгөйлөрдү талкуулашты, өз долбоорлорун көрсөтүштү жана мобилдик сүрөткө тартуу жана өзүн-өзү көрсөтүүдөн эффективдүү коммуникацияга чейин жаңы көндөмдөрдү алышты.

Форум тажрыйба алмашуу, өнөктөштүк мамилелерди түзүү жана коомду өнүктүрүү үчүн заманбап чечимдерди табуу мейкиндигине айланды.

Куттуктоо сөзүндө "Евразия KG" аймактык өкүлчүлүгүнүн директору Кымбат Урумкулова катышуучулар тарабынан сунушталган идеялар жана долбоорлор "Евразия" коомдук фонду тарабынан колдоого алынганын, анткени алар негизинен биримдикти чыңдоо, маданий мурастарды сактоо, экологиялык жоопкерчиликти илгерилетүү сыяктуу заманбап коомдун актуалдуу приоритеттери менен шайкеш келерин белгиледи.

"Аракет кылуу мезгили" форуму чыныгы лидерлерди ачып берди. Жаштар келечек гана эмес, бүгүнкү күнүбүз дагы деп эсептейм. Сиздердин аркаңыздар менен көпүрөлөр курулуп, заманбап чечимдер табылып, шыктануу жаралып, эл биригип жатат",- деп баса белгиледи Кымбат Урумкулова.

Маданият, маалымат жана жаштар саясаты министринин орун басары Тимурлан Ажымалиев белгилегендей, мамлекет ыктыярчылык ишмердүүлүктү өнүктүрүү, жаштардын ишкердигин колдоо, санариптик көндүмдөрдү өнүктүрүү, маданий демилгелерди илгерилетүү, жарандык катышууну кеңейтүү сыяктуу негизги багыттарда жаштар саясатынын программасын активдүү ишке ашырууда.

"Мен "Евразия KG" коомдук фондуна жаштар үчүн ушундай аянтчаны уюштуруп жаткандыгы үчүн ыраазычылык билдирем. Бүгүнкү күндө маданияттар ортосундагы диалог, каада-салтты урматтоо, жалпы чыгармачылык коомго практикалык пайда алып келерин көрүп турабыз. Эң негизгиси, өлкөбүздүн келечеги достуктун, өз ара түшүнүшүүнүн, өсүп келе жаткан муундун алдындагы жоопкерчиликтин бекем пайдубалына курулат деп ишенебиз",- деди ал.