Кыргызстан Беларустун делегациясын Көчмөндөр оюндарына катышууга чакырды

Кыргызстан Беларусь өлкөсүнүн улуттук делегациясын VI Дүйнөлүк көчмөндөр оюндарына катышууга чакырды. Бул тууралуу министрлер кабинетинин төрагасы Адылбек Касымалиев Минскте журналисттерге билдирүү жасап жатып айтты.

Маалыматка ылайык, VI Дүйнөлүк көчмөндөр оюндары 2026-жылдын сентябрь айында Кыргызстанда өтөт.

"Биз Беларусь Республикасынын улуттук делегациясынын 2026-жылдын сентябрында белгилене турган VI Дүйнөлүк көчмөндөр оюндарына катышуусун чыдамсыздык менен күтөбүз. Бул бир гана спорттук иш-чара эмес, дүйнөлүк маданий окуя, биздин өлкөлөрдүн салттарынын күчүн жана заманбап динамизмин көрсөтүүнүн уникалдуу мүмкүнчүлүгү. Маданий байланыштар билим жана илим тармагындагы кызматташтык менен бекемделет",- деди өкмөт башчысы.

Белгилей кетсек, өкмөт башчы 28-сентябрда Беларусь өлкөсүнө иш сапары менен барган.