"Реал Мадрид" клубу Алматыдагы Inter Continental мейманканасын толугу менен ижарага алды

"Реал Мадрид" футбол клубу Алматыдагы Inter Continental мейманканасын толугу менен ижарага алган. Испан клубу футболчулардын тынчтыгын камсыз кылуу үчүн ага 500 миң доллардан ашык төлөгөн.

Чет элдик басылмалардын маалыматы боюнча, "Кайрат" командасы менен беттешүү алдында оюнчулардын тынчтыгын камсыз кылуу үчүн испан командасынын жетекчилиги 28-сентябрдан 1-октябрга чейин мейманкананын бардык номерлерин сатып алууну чечти. Бул күндөрдө стандарттык номердин орточо баасы бир түнгө 375 доллар, ал эми люкс 560 доллар турат. Мейманканада 277 бөлмө бар, алардын баары 40тан ашык оюнчу менен келген клубдун делегациясына берилди.

Бирок бул дагы оюнчулар үчүн тынчтыкты камсыз кылган жок. Клуб жайгашкан Inter Continental мейманканасын күйөрмандар курчоого алышкан.