Түштүк Корея: Түндүк Корея АКШга сокку ура ала турган деңгээлге жетти

Түштүк Кореянын биримдик министри Чун Дон Ён Түндүк Корея азыркы учурда АКШнын негизги аймагына сокку урууга жөндөмдүү өлкөлөрдүн бири болуп калганын билдирди. Бул тууралуу The Korea Times басылмасы жазды.

Чундун айтымында, Түндүк Кореянын мындай мүмкүнчүлүгүн "акыл-эстүү түрдө кабыл алуу" зарыл. Ошол эле учурда ал Пхеньян экономикалык реформаларга жана ачык саясатка умтулса, бул аракет Түштүк Корея менен кызматташуу аркылуу гана ишке ашарын белгиледи.

Министр ошондой эле Түндүк Кореянын лидери Ким Чен Ын менен АКШнын президенти Дональд Трамптын жаңы жолугушуусу боюнча ой бөлүшүп, эки тарап тең жолугууга кызыкдар экенин айтты. Анын баамында, Кимдин акыркы билдирүүлөрү да АКШ менен Түштүк Кореяга багытталган.