Супер-Инфо
super.kg видео
Ысык-Көлдө китепканалардын келечеги боюнча эл аралык конференция өтүп жатат
Ысык-Көлдүн жээгиндеги "Аврора" санаторийинде "Заманбап китепкана - мамлекеттин стратегиялык ресурсу" аттуу эл аралык конференция башталды. Бул тууралуу Маданият министрлиги кабарлады.
Маалыматка ылайык, иш-чарада китепканалардын коомдогу ордун санариптик доордо кайра аныктоо маселеси көтөрүлдү.
Иш-чараны маданият министринин биринчи орун басары Союзбек Надырбеков ачып, китепканалардын билим жана технология борбору катары маанисин белгиледи.
Кыргызстан, КМШ жана жакынкы өлкөлөрдөн келген 150дөн ашуун китепканачылар, IT-адистер, мугалимдер жана маданият кызматкерлери үч күн ичинде төмөнкү темалар боюнча талкуу жүргүзүүдө:
- китепканалардын санариптик трансформациясы;
- жасалма интеллекттин колдонулушу;
- инновациялык IT-чечимдер;
- инклюзивдүү долбоорлор;
- руханий баалуулуктарды калыптандыруу.
Конференциянын жыйынтыгында сунуштар иштелип чыгып, китепкана тармагын өнүктүрүүгө багытталган резолюция кабыл алынары кошумчаланган маалыматта.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.