Сербиянын президенти: "Биз согуш болорун билебиз, ал сөзсүз болот"

Дүйнөдөгү өлкөлөр жакындап келе жаткан согушка даярданып, кайсы тарапты тандай турганын чечүүгө аракет кылып жатышат. Бул тууралуу Сербиянын президенти Александр Вучич билдиргенин серб басылмасы Kurir жазды.

"Биз согуш болорун билебиз, ал сөзсүз болот. Мен муну айтып жатам, анткени болуп жаткан нерселерди, ар кимдин даярдыгын көрүп турам", — деди Вучич.

Анын айтымында, өлкөлөр тынчтык сүйлөшүүлөрүнө эмес, тескерисинче, куралдуу жаңжалдын башталышын күтүп жатышат.

Буга чейин АКШнын президенти Дональд Трамп Орусия менен Украина ортосундагы жаңжал үчүнчү дүйнөлүк согушка айланып кетиши мүмкүн экенин, бирок азырынча мындай коркунуч жоголгонун айткан.