Үч партия паламенттик шайлоого өз талапкерлерин көрсөтө тургандыгын билдирди

30-ноябрда мөөнөтүнөн мурда өтө турган Жогорку Кеңештин депутаттарын шайлоого катышуу учүн өз талапкерлерин көрсөтө тургандыгын үч партия расмий билдирди. Бул тууралуу бүгүн, 6-октябрда БШКдан билдирип, алар "Кырк ууз", "Легалайз" жана "Ынтымак" партиялары экендиги маалымдалды.

Мыйзамга ылайык, бул саясий партиялар эми съезд өткөрүп, ар бир округдан бирден талапкерди съездде жашыруун добуш менен көрсөтүш керек.

"Партия өзүнүн съездинде ар бир көп мандаттуу шайлоо округунан бирден талапкерди жашыруун добуш берүү жолу менен көрсөтөт. Съезддин чечими партиянын мөөрү менен бекитилип, кол коюлуп, БШКга жөнөтүлөт. Партия өз мүчөсү болуп саналбаган Кыргызстандын жаранын талапкерликке көрсөтө алат. Бирок башка саясий партиялардын мүчөлөрүн талапкерликке көрсөтүүгө укугу жок", - деп белгиленген маалыматта.

Тизмени түзүүдө гендердик тең салмактуулук сакталууга тийиш: эркек кишилердин саны 70 пайыздан ашпоосу керек.