ХАМАС менен Израил камактагы туткундардын тизмесин алмашышты
ХАМАС менен Израилдин жетекчилиги Газа секторунда ок атышууну токтотуу келишиминин алкагында барымтага алынгандар менен камактагы туткундардын тизмесин алмашышты. Бул тууралуу ХАМАСтын расмий өкүлү Тахер ан-Нуну билдиргенин чет элдик басылмалар жазышты.
"Бүгүн биз мурда макулдашылган критерийлерге ылайык бошотулушу керек болгон барымтадагы адамдар менен туткундардын тизмеси боюнча алмашуу жүргүздүк",- деди ан-Нуну.
Анын айтымында, Израил тарап тапшырган тизмеде макулдашылган сандагы палестиналык туткундар камтылган. Бирок так саны айтылган жок.
Израил менен ХАМАС делегацияларынын ортосундагы расмий байланыштар 6-октябрда Египетте башталган.
Буга чейин ХАМАСтын жетекчилиги АКШ президенти Дональд Трамп сунуштаган планды аткарууга даяр экенин жарыялаган. Ага бардык израилдик барымтадагыларды бошотуу да кирген.
Бул билдирүүдөн кийин Трамп Израилди Газа секторуна соккуларды токтотууга жана барымтадагыларды коопсуз бошотууга шарт түзүүгө чакырган.
0

Супер-Инфо
super.kg видео
















