Павел Дуровдун Көлсайда сууга түшүүсү: ИИМ материалдарды Экология министрлигине өткөрдү

Казакстандын Ички иштер министрлигинин административдик полиция комитетинин орун басары Алексей Милюк билдиргендей, Telegram мессенжеринин түзүүчүсү Павел Дуровдун тыюу салынган аймакта сууга түшүүсүнө жоопкерчилик Экология жана табигый ресурстар министрлигине карайт. ИИМ материалдарды топтоп, тиешелүү мекемеге өткөргөн.

Министрликтин кызматкерлери административдик протокол түзүү жана айып салуу маселелерин карашат. Көлдө сууга түшкөнү үчүн эң жогорку айып 2025-жыл үчүн 39 320 теңге (6 миң сомдон ашык) болушу мүмкүн.

Эске салсак, Дуров Көлсай көлдөрүндө сууга түшүп, видеосу менен бөлүшкөн. Бул видеого айрым колдонуучулар нааразылыгын билдиришкен. Көлсай улуттук паркынан билдиришкендей, бул сууларда сууга түшүүгө тыюу салынган жана кызматтык иликтөө башталган.

Ага жооп катары Дуров видеодо көлдүн түбүнөн темир таякты көтөрүп, "көлдү тазалаш керек" деп айтканын көрсөтүп, өзүнүн сууга түшүүсү боюнча дагы бир видеону жарыялаган.