Сокулукта 72 жаштагы киши айылдашын өлтүрүүгө шектелип кармалды

Сокулук районунда 72 жаштагы киши адам өлтүрүүгө шек саналып кармалды. Бул тууралуу бүгүн, 12-октябрда Чүй облустук ички иштер башкармалыгы билдирди.

Маалыматка ылайык, 14-сентябрда саат 09:18де милицияга Совхоз-Фрунзе айылындагы үйлөрдүн биринен 71 жаштагы кишинин жансыз денеси табылгандыгы тууралуу маалымат түшкөн. Маркумдун денесинен зомбулуктун белгилери табылган.

Аталган факт боюнча Кылмыш-жаза кодексинин 122-беренеси (Адам өлтүрүү) менен кылмыш иши козголгон. Тергөөдө маркумдун үйүндө алар спирт ичимдигин ичип отуруп чырдаша кеткени аныкталган. Натыйжада шектүү айылдашынын денесине залал келтирген. Анын кесепетинен айылдашы каза болуп калган. Шектүү кылмыш болгон жерден качып кеткен.

Шектүү соттун чечими менен ал камакка алынган. Учурда тергөө иши аяктап, соттук кароого жөнөтүлдү.