Байден Газа боюнча тынчтык келишими үчүн Трампка ыраазычылыгын билдирди

АКШнын мурдагы президенти Жо Байден Израил менен ХАМАС ортосунда ок атышууну токтотуу келишимине кол коюлгандан кийин азыркы президент Дональд Трампка ыраазычылык билдирди. Бул тууралуу Байден өзүнүн X социалдык тармагындагы баракчасында жазды.

"Мен президент Трампка жана анын командасына тынчтык келишимин акыркы баскычына жеткирүүдөгү аракеттери үчүн таазим этем", — деп жазды ал.

Ошондой эле Байден барымталарды бошотуу боюнча иштердин бир бөлүгүн анын администрациясы аткарганын эске салды.

Мурдагы президенттин пикиринде, эми АКШ менен дүйнөлүк коомчулуктун колдоосу алдында Жакынкы Чыгыш тынчтыктын жолуна түштү. Ал израилдиктер менен палестиналыктардын туруктуу жана тынч келечегине үмүт кыларын билдирди.