АКШда өлтүрүлгөн активист Кирк тууралуу билдирүүлөрү үчүн 6 чет элдиктин визасын жокко чыгарылды

АКШнын Мамлекеттик департаменти 10-сентябрда кол салуудан каза тапкан республикачыл активист Чарли Киркке байланыштуу социалдык тармактардагы билдирүүлөрү үчүн 6 чет элдиктин визасын жокко чыгарганын билдирди. Бул тууралуу чет элдик басылмалар жазышты.

Маалыматка ылайык, бул адамдар Аргентина, Түштүк Африка, Мексика, Бразилия, Германия жана Парагвай жарандары экени маалымдалды. Департаменттин билдирүүсүндө, визасы жокко чыгарылган адамдар Киркке кол салууну "майрамдаган" постторду жайылтканы үчүн жоопко тартылганы айтылды.

Ошондой эле Киркке байланыштуу билдирүүлөрдү кылдаттык менен көзөмөлдөп жатканын белгилешти. Коргоо министри Пит Хегсетт жай адамдар жана аскер кызматкерлеринин Кирктин өлүмүн майрамдаганын байкап, керектүү чараларды жасай турганын билдирген.

Эске салсак, Чарли Кирк 10-сентябрда Юта Вэлли университетиндеги иш-чарада кол салууга кабылып, ок тийип каза тапкан. Ал Дональд Трампты колдогон активист жана "Turning Point USA" уюмунун негиздөөчүсү катары белгилүү болгон.