Hurriyet: Түркия Газа боюнча тынчтык келишиминин документине өзгөртүүлөрдү киргизди

Түркия Газа боюнча тынчтык келишиминин документине өзгөртүүлөрдү киргизди. Бул тууралуу Hurriyet басылмасы билдирди.

Маалыматка ылайык, Газа секторундагы жаңжалды токтотууга байланыштуу келишим боюнча АКШ, Түркия, Египет жана Катар лидерлери кол койгон документтин тексти акыркы мүнөттөргө чейин талкууланган.

13-октябрда Түркиянын тышкы иштер министри Хакан Фиданга документ даяр экени айтылган. Бирок андан соң документтеги бир сөздөн улам кризис чыккан.

Түркиянын талап кылуусу менен ал сөз тексттен алып салынып, анын ордуна башка, Түркия сунуштаган "туура" сөз кошулган. Бирок кайсы сөз тууралуу сөз болуп жатканы так айтылган эмес.

Белгилей кетсек, 10-октябрда Израил менен ХАМАСтын ортосунда ок атышпоого жетишилген. Ал эми 13-октябрда АКШ, Египет, Катар жана Түркия ортомчу өлкөлөр катары Газа боюнча конфликтти токтотуу келишимине кол коюшкан.