Трамп АКШ менен Кытай соода согушунда экенин айтты

АКШ президенти Дональд Трамп өлкөсү азыр Кытай менен соода согушунунда экенин билдирди. Бул тууралуу чет элдик басылмалар жазышты.

"Эгер бажы төлөмдөрүбүз болбосо, коргонуу мүмкүнчүлүгүбүз да болбойт", - деди ал.

Трамп бажы төлөмдөрү өлкөнүн улуттук коопсуздугу жана коргонуу үчүн маанилүү курал экенин белгиледи. Анын айтымында, мурунку администрациялар бул мүмкүнчүлүктү пайдаланган эмес. Президент бажы салыктары триллиондогон доллар киреше алып келип, "дүйнөдө тынчтыктын сакталышына" өбөлгө түзгөнүн айтты.

Мындан тышкары Трамп учурда Жогорку Сотто каралып жаткан бажы төлөмдөрүнө байланыштуу доо АКШнын тарыхындагы эң маанилүү иштердин бири экенин белгиледи. Ал бул иш утулуп калса, өлкө узак мөөнөткө экономикалык жактан алсыз абалга түшүшү мүмкүн экенин эскертти. Трамп соттук териштирүүнү өзү барып көрүүнү да ойлоп жатканын билдирди.