Шанхай аэропортуна учак шашылыш конду

Кытайдын Air China авиакомпаниясынын учагы жүргүнчүлөрдүн биринин кол жүгүндө литий аккумулятор күйүп кеткенден улам Шанхай аэропортуна шашылыш конууга аргасыз болду. Бул тууралуу чет элдик басылмалар авиакомпанияга шилтеме берип жазышууда.

Маалыматка ылайык, учак Кытайдын Ханчжоу шаарынан Түштүк Кореянын Инчхон шаарына багыт алып бара жаткан.

"Жүргүнчүнүн кол жүгүндө литий батарея өзүнөн-өзү күйүп кетти. Экипаж кырдаалга түз аракет кылып, белгиленген тартип боюнча иш алып барды, жабыркагандар болгон жок. Учуш коопсуздугун камсыздоо максатында учак Пудун аэропортуна шашылыш конду", - деп белгиленет маалыматта.