Reuters: Трамп Зеленский менен Орусиянын коопсуздук кепилдиктерин да талкуулаган

АКШнын президенти Дональд Трамп менен Украина президенти Владимир Зеленскийдин Ак үйдөгү жолугушуусунда коопсуздук кепилдиктери Украина үчүн гана эмес, Орусия үчүн да талкууланган. Бул тууралуу Reuters агенттиги билдирди.

"Трамп коопсуздук кепилдиктерин Киев үчүн да, Москва үчүн да караштыруу жөнүндө ойлонуп жатты", — деп айтылат маалыматта.

Үчүнчү булактын билдирүүсүнө ылайык, мындай сунуш Трамп тарабынан Украина президентинин "биз өз эркибиз менен эч кандай аймакты бербейбиз" деген сөзүн уккандан кийин айтылган. Трамп келишимди азыркы абалдан, тагыраагы, демаркациялык сызыктагы позициядан баштоо керек деген чечимге келген.

Financial Times басылмасынын маалыматына караганда, эки лидердин жолугушуусунда бир нече жолу кайым айтышуу болгон.

Эске салсак, 17-октябрда Ак үйдө өткөн бул жолугушууда Трамп Украинага Tomahawk ракеталарын берүү маселеси ачык экенин билдирген, бирок "бериши күмөн" экенин да белгилеген. Ошол эле учурда ал кагылышууну токтотуу боюнча чечим сунуштап, Зеленский анын бул ниетин колдогонун билдирген.