Боливиядагы президенттик шайлоонун жыйынтыгы чыкты

Боливиянын сенатору Родриго Пас президенттик шайлоонун экинчи айлампасында жеңишке жетти. Бул тууралуу шайлоочулардын 97,53 пайыз добуштарынын алдын ала эсептөөсүнө таянып ТАСС агенттиги кабарлады.

Маалыматка ылайык, ортолук позициядагы Христиан-демократиялык партиядан чыккан Пас 54,54 пайыз добуш топтогон, ал эми өлкөнүн мурдагы президенти, “Эркиндик жана демократия” деген оңчул альянстын өкүлү Хорхе Кирога 45,46 пайыз добуш алган.

Боливиянын Жогорку шайлоо сотунун төрагасы Оскар Ассентеуфелдин маалыматы боюнча, натыйжалар азырынча алдын ала болуп саналса да, "жооп кайтарылгыс тенденция" байкалууда.

Буга чейинки биринчи айлампалык шайлоо 17-августта өткөн, анда Пас 32,06 пайыз добуш алса, Кирога 26,70 пайыз добушка ээ болгон.

Август айында маалымдалгандай, эгер Кирога шайлоодо жеңсе, Орусия жана Кытай менен түзүлгөн литий ресурстарын иштетүү боюнча ири келишимдерди токтотуу пландалууда.

Боливияда дүйнөдөгү эң чоң литий запастары бар, ал болжол менен 23 миллион тоннага бааланат жана дүйнөлүк литий ресурстарынын болжол менен 20 пайызын түзөт. Литий өлкөдө Салар-де-Уюни деген туздуу көлмөдө топтолгон, ал Литий үч бурчуна кирет.