Бишкекте жол кырсыгы катталып, бир унаанын мотору жулунуп кеткен (видео) 

Бишкек шаарында түндө эки унаа сүзүшүп, жол кырсыгы катталды. Аталган окуянын видеосу социалдык тармактарга тараган.

Маалыматка ылайык, Daewoo Lanos унаасы Фрунзе көчөсү менен бара жатып Школьный менен кесилиштен артка кайрылган, ошол учурда каршы тилкеде келе жаткан Skoda Octavia менен кагыша кеткен.

Натыйжада Daewoo машинасынын айдоочусу оң ийининен жаракат алып, сол буту сынып ооруканага жаткырылган. Ошондой эле, видеодон көрүнүп тургандай, кырсыктан унаалардын биринин мотору жулунуп кеткен.