"Сыймыктанабыз". Ырчы Амирчик кыргыз тилинде жаңы ыр чыгарды 

Көптөгөн жаштардын сүймөнчүлүгүнө айланган, бир эле Кыргызстанда эмес, Орусияда дагы популярдуу болуп жаткан ырчы Амирчик үчүнчү кыргыз тилиндеги ырын чыгарды. Бул тууралуу ал социалдык тармактагы баракчасында видео бөлүштү.

Амирчиктин жаңы ыры сүйүү жөнүндө "Барамын сага" деп аталат. Буга чейин ал "Жүрөсүң кандай?" Бегиш менен биргеликте "Бишкек" аттуу ырларды чыгарган.

Амирчик кыргызстандык ырчы. Ал учурда Оруссияда карьерасын улантууда. Ырчы дайыма өз өлкөсү Кыргызстан жөнүндө жагымдуу сөздөрүн айтып келет. Кечээ, 20-октябрда ырчы 22 жашка толду. Ксения Собчакка берген интервьюсунда "өзүмдү мекенчилмин деп эсептейм, Киргизия эмес, Кыргызстан. Киргиз эмес, кыргыз" деген.

Ал эми комментарийлерде ага карата "биздин кыргыз", "кыргыздын баласы", "сыймыктанабыз" деген көптөгөн жылуу сөздөр жазылган.