Украинага жөнөтүлмөк... Канада брондолгон эски LAV техникаларын оңдоо келишимин жокко чыгарды

Канада Украина үчүн арналган эски LAV брондолгон техникаларын оңдоо келишимин жокко чыгарды. Бул тууралуу Канаданын коргоо министри Дэвид Макгинти CBC телеканалына берген маегинде билдирди.

Анын айтымында, Канада Armatec Survivability компаниясы менен түзгөн келишимди токтоткон. Бул компания Украинага жөнөтүлө турган эски, эсептен чыгарылган жеңил бронетехниканы оңдоого тийиш болчу.

Макгинти келишимдин эмне себептен токтотулганын так ачыктай албай турганын билдирди.

"Менин бул маселени тереңирээк талкуулоого мүмкүнчүлүгүм жок. Департамент менен компаниянын мамилеси кандай болорун көрөбүз. Чечимдин себептерин кененирээк түшүндүргүм келет, бирок азыр андай мүмкүнчүлүгүм жок",- деди министр.

Ошондой эле ал Канада Украинага жаңы техника жөнөтүүнү улантып жатканын, көйгөй болгону калыбына келтирилген техникага байланыштуу экенин кошумчалады.

Эске салсак, 16-октябрда Украинанын коргоо министри Денис Шмыгаль Брюсселде өткөн сүйлөшүүлөр учурунда АКШ курал-жарак сатып алуу программасы боюнча Киевдин өнөктөштөрү 422 миллион долларлык милдеттеме алышканын билдирген.

Анын айтымында, Украинага бир нече өлкөдөн аскердик жардам көрсөтүлөт.