Бишкекте Кыргызстан менен АКШнын кызматташтыгы талкууланды
Бүгүн, 22-октябрда тышкы иштер министри Жээнбек Кулубаев Кыргызстандагы АКШнын элчиси Лесли Вигерини кабыл алды. Бул тууралуу министрликтин басма сөз кызматы билдирди.
Анда тараптар кыргыз-америка кызматташтыгынын кеңири чөйрөсүндөгү маселелерди жана “С5+1” форматындагы өз ара аракеттенүүнү талкуулашты.
Кулубаев Кыргызстан Америка Кошмо Штаттары менен саясий диалогду мындан ары өнүктүрүүгө, соода-экономикалык жана инвестициялык байланыштарды тереңдетүүгө өзгөчө маани берерин белгиледи.
Кыргыз тарап ошондой эле америкалык инвестицияларды тартууга, АКШнын ишкер чөйрөлөрүнүн өлкө экономикасына катышуусун кеңейтүүгө жана биргелешкен долбоорлорду илгерилетүүгө кызыкдар экенин билдирди. Анда визалык маселелер өзүнчө каралды.
Жыйынтыгында тараптар кыргыз-америка мамилелерин мындан ары тереңдетүүгө эки тараптын ынтызарлыгын ырасташты жана үзгүлтүксүз жумушчу байланыштарды улантууну макулдашты.
0
Талкуу жабык.

Супер-Инфо
super.kg видео
















