Трамп Путин менен жолугушуудан баш тартканын айтты
АКШ президенти Дональд Трамп Орусиянын президенти Владимир Путин менен боло турган Будапешттеги жолугушуусун токтотконун ырастады. Бул тууралуу ал НАТОнун баш катчысы Марк Рютте менен болгон жолугушууда билдиргенин чет элдик басылмалар жазышты.
"Президент Путин менен жолугушууну токтоттук. Бирок келечекте жолугабыз деген ойдомун",- деген америкалык лидер.
Белгилей кетсек, Трамп менен Путин 16-октябрдагы телефондук сүйлөшүүдө Будапештте жолугушууну макулдашышкан. Бирок так датасы айтыла элек болчу. Кийинчерээк чет элдик басылмалар жолугушуу болбой калганын жана мындай чечим АКШнын мамлекеттик катчысы Марко Рубио менен Орусиянын тышкы иштер министри Сергей Лавровдун 20-октябрдагы телефондук сүйлөшүүсүнөн кийин кабыл алынганын жазып чыгышкан.
0

Супер-Инфо
super.kg видео















