Бишкекте "Унаа" мекемесинин экзаменатору тарабынан зордуктоо боюнча факт иликтенүүдө

Бишкекте "Унаа" мекемесинин экзамен алган кызматкери тарабынан кыз зордукталганы боюнча маалымат тарады. Анда белгиленгендей, айтылган окуя быйылкы жаз айларында болгон. Бирок кыз коркуу себептеринен ошол учурда милицияга кайрылбай, эми гана анын анонимдүү каты социалдык тармактарга тараган.

Аталган факт боюнча Октябрь РИИБинде катталып, тергөөгө чейинки текшерүү иши башталды.

"Азыркы учурда аталган факт боюнча Инстаграмм баракчасына кайрылуу жасаган белгисиз кыздын жана "Унаа" мамлекеттик мекемесинин кызматкеринин өздүгүн аныктоо үчүн ишке тиешеси бар күбөлөрдү, видео байкоолорду аныктоо боюнча атайын тергөө тапшырма берилди. Тергөөгө чейинки текшерүү иштери жүрүүдө",- деп белгиленген маалыматта.

Райондук милиция кошумча маалымат бере тургандыгын билдирди.