Зеленский Европа өлкөлөрүнө Орусияга каршы жаңы санкциялар үчүн ыраазычылык билдирди

Украинанын президенти Владимир Зеленский өзүнүн Telegram каналында Евробиримдикке Орусияга каршы 19-санкциялар пакетин кабыл алгандыгы үчүн ыраазычылык билдирди жана бул чечимди "маанилүү кадам" деп атады.

Анын айтымында, бул чектөөлөр Европанын биримдигин далилдөөдө.

"Маанилүү нерсе - Евробиримдик, Улуу Британия жана Америка бирдей аракет кылып, Орусияга басымды күчөтүүдө жана баарыбыз күткөн тынчтыкты жакындатууда. Санкциялар дагы көбөйүшү керек, бул тууралуу бүгүн Брюсселде өнөктөштөр менен сүйлөшөбүз",- деп жазды Зеленский.

23-октябрда Reuters агенттиги Евробиримдик Орусияга каршы жаңы, 19-санкциялар пакетин расмий түрдө бекиткенин маалымдады. Бул пакетке чет өлкө тарабынан жана орусиялык мунайды ташыган 100дөн ашык танкер киргизилген.

Ошол эле күнү АКШ да Орусиянын мунай компанияларына каршы санкцияларды киргизди. Жаңы чектөөлөр "Роснефть" жана "Лукойл" сыяктуу мунай өндүрүүчү ири компанияларды камтыды.

Bloomberg басылмасынын маалыматы боюнча, бул чаралар Москвадагы энергетикалык кирешелерди азайтып, Владимир Путинди сүйлөшүүлөргө барууга мажбурлоо максатын көздөйт. Мындан тышкары, пакет 2027-жылдын январынан тарта Орусиядан суюлтулган табигый газды импорттоого тыюу салат.