Орусия Литванын аба мейкиндигин бузду деген айыптоолорду четке какты

Орусиянын Коргоо министрлиги Литванын "аба чек арасын бузду" деген дооматка жооп берип, Су-30 аскердик учактары Калининград облусунун үстүнөн гана пландуу машыгуу учууларын жүргүзгөнүн билдирди.

Мекеменин маалыматына караганда, учуулар аба мейкиндигин колдонуу эрежелерине толук ылайык жүргүзүлүп, учактар маршруттан чыкпай, башка өлкөлөрдүн чек арасын бузган эмес.

Буга чейин Литва орусиялык Су-30 жана Ил-78 учактары өлкөнүн аба мейкиндигин 700 метр аралыкта жана 18 секундга бузганын билдирген. Бул учурда НАТОнун "Чыгыш күзөтчүсү" операциясынын алкагында Испанияга таандык эки Eurofighter Typhoon учагы абага көтөрүлгөн.

Литванын президенти Гитанас Науседа бул окуяны "эл аралык укуктун жана өлкөнүн аймактык бүтүндүгүнүн ачык бузулушу" деп атап, Орусия элчилигинин өкүлдөрүн Тышкы иштер министрлигине чакырып, расмий нааразылык билдирерин маалымдаган.