Нью-Дели, Лахор... Дүйнөдөгү эң кир шаарлар коопсуз чектен 56 эсе ашты
Индиянын борбору Нью-Дели дүйнөдөгү абасы эң булганган шаарлардын үчтүгүнө кирди. Бул тууралуу дүйнөдөгү абасы кир жана абасы таза шаарлардын рейтингин чыгарган World Air Quality уюму билдирди.
Андагы маалыматка караганда, дүйнөдөгү эң булганган шаарлардын сап башында Пакистандын Лахор шаары, экинчи орунда Уганданын Кампала шаары, ал эми үчүнчү орунда Индиянын Нью-Дели шаары турат.
Аталган шаарлардагы абадагы зыяндуу бөлүкчөлөрдүн көлөмү Дүйнөлүк саламаттык сактоо уюмунун нормасынан 56 эсе жогору болгон. Дыйкандардын талаа калдыктарын өрттөөсү жана Дивали майрамында массалык түрдө петарданын, фейерверктин атылышы бул көрүнүштүн негизги себеби болгону айтылды.
Дарыгерлер мындай шартта беткап тагынуу, терезелерди жабуу жана мүмкүнчүлүк болсо абаны тазалай турган жабдууларды иштетүүнү сунуштап келет.
0

Супер-Инфо
super.kg видео















