Бишкекте эл аралык профессионалдык бокс турнири өтүп жатат

Бишкекте «Saikou X Lush Boxing Promotions» компаниясы уюштурган экинчи эл аралык профессионалдык бокс турнири өтүп жатат.

Мелдеште беш титулдук беттеш өтүп, анын ичинде WBA Asia, WBA жана IBF версияларынын курлары ойнотулат. Бул дүйнөлүк деңгээлде таанылган жана атактуу мушкерлер күч сынашып жүргөн титулдар.

Кыргызстандын атынан рингге 10 кыргыз мушкери чыгат. Алардын катарында WBA Asia куру үчүн ат салыша турган Дилмурад Сатыбалдиев жана «Самат Кыргыз» каймана аты менен белгилүү болгон Самат Абдрахманов бар. Ошондой эле Абдыжапар уулу Сыргак, Нуржигит Дүйшөбаев, Жеңиш Улпатов, Аскат Култаев, Арген Кадырбеков, Адилет Качкынбеков, Нурсултан Тулекулов жана Бектенов Рыспек да өлкөнүн намысын коргоо үчүн рингге чыгышат.

Мелдештин жүрүшүндө 16 беттеш өтөт. Арасында Олимпиаданын эки жолку чемпиону өзбекстандык Хасанбой Дусматов, Олимп оюндарынын коло медалынын ээси, бокс боюнча дүйнө чемпиону Сакен Бибосынов жана жапониялык бир катар мушкерлер бар.

25-октябрда башталган мелдеш 26-октябрда аяктайт.