Эрдоган Түркиянын катышуусусуз чыр-чатактарды чечүү мүмкүн эместигин айтты

Түркиянын президенти Режеп Тайып Эрдоган өз өлкөсүнүн катышуусусуз чыр-чатактарды тынчтык жолу менен чечүү мүмкүн эмес болуп калганын билдирди.

Ал бүткүл дүйнө Анкараны күчтүү тарап катары ар дайым сүйлөшүү столунда отурушун моюнга алууга аргасыз экенин билдирди.

"Сириядан Газага чейин, Перс булуңунан Орусия менен Украинанын ортосундагы жаңжалга чейин Түркиясыз эч жерде кырдаалды тең салмактуулукка келтирүү мүмкүн эмес", - деген ал Стамбулда жаштарга кайрылып жатып.

"Түркия тышкы саясатта, демократияда, коргонуу өнөр жайында жана экономикада өз чек араларынын ичинде жана андан тышкары чечкиндүү кадамдардын аркасында глобалдык державага айланып баратат.

Мурда айрымдар Түркия Батыш альянсынан алыстап баратат деп айтышкан. Алар Түркиянын огу чыгышка жылып баратканын айтышкан. Алар Түркия четтетилип жатканын айтышкан. Бул дооматтардын баары акыры жокко чыгарылды. Биздин, туура тарапта тургандар, туура экенибиз далилденди", - деп келтирет чет элдик басылмалар анын сөздөрүн.