Бишкекте милиция кызматкерлерин сөккөн айдоочу кармалды

Бишкекте жол кыймылын тескөөчүлөрдүн дарегине жаман сөздөрдү айткан жарандар кармалышты. Бул тууралуу борбор калаанын Кайгуул кызматы билдирди.

Маалыматка ылайык, тескөөчүлөр тарабынан токтотулган унаанын айдоочусу аларды сөгүп, агрессивдүүлүк көрсөткөн. Натыйжада ал Ленин райондук ички иштер бөлүмүнүн убактылуу кармоочу жайына киргизилди.

Медициналык кароодо айдоочу менен анын жанындагы жүргүнчү спирт ичимдиктерин ичишкени аныкталган. Унаа айып коргоого токтотулуп, айдоочуга карата административдик укук бузуулар жөнүндө протокол түзүлгөн.