"Дүйнөлүк атактуулар сыяктуу". Карлсон Путинди дүйнөдөгү эң популярдуу лидер деп атады

Орусия президенти Владимир Путин дүйнөдөгү эң популярдуу лидер. Бул тууралуу америкалык журналист Такер Карлсон билдиргенин чет элдик басылмалар жазышты.

"Ал дүйнөдөгү эң популярдуу лидер жана башка лидерлерге караганда алда канча алдыда турат", — деген Карлсон. Ал көп саякаттай турганын, ошол себептен ушундай ойдо экенин билдирген.

"Мисалы, сиз Батыш Европага, Канадага, англис тилиндеги өлкөлөргө, англис тилинен тышкары дүйнөгө, Азияга, Жакынкы Чыгышка, Түштүк-Чыгыш Европага барсаңыз, сиз Путинди жактырбаган эч кимди кездештирбейсиз, Путин чындыгында дүйнөлүк атактуулар сыяктуу", — деп белгилеген Карлсон.

Журналисттин пикири боюнча, Путин көп жагынан өз өлкөсүнүн кызыкчылыгын жеке кызыкчылыгынан жогору койгон.

2025-жылдын январь айында Такер Карлсон АКШнын мурдагы президенти Жо Байдендин администрациясы Путинди өлтүрүүгө аракет кылганын айткан.

Карлсон мурдагы президенттин тушунда мамлекеттик катчы болуп иштеген Энтони Блинкендин АКШ менен Орусиянын ортосундагы согушту тездетүү үчүн бар күчүн жумшаганын билдирген.