Царикаев сабалгандан кийин алты тиши сынганын билдирди

Бишкек шаардык мэриясынын Муниципалдык инспекциясынын башчысы Мирлан Таалайбеков өзүнүн сабалгандан кийинки абалын айтып берди.

Анын айтымында, жалпысынан алты тиши сынып, эриндери кесилген. Мындан тышкары, биринчи даражадагы мээнин чайкалышы аныкталып, бетинин оң жагы катуу шишип жана башка жаракаттарды алды. Ошондой эле ага жеке менчик ооруканада дарыланууну сунушташкан, бирок ал баш тарткан. Учурда ал мамлекеттик ооруканада дарыланууда.

Эскерте кетсек, 25-октябрда саат 01:30 чамасында Тойота үлгүсүндөгү унаа Алыкулов жана Өмүр көчөлөрүнүн кесилишинде Таалайбековдун унаасын сүзгөн. Окуя болгон жердеги пикир келишпестикте инспекциянын жетекчиси сабалып, мас абалындагы 4 шектүү кармалган. Учурда аларга карата "Бейбаштык" беренеси боюнча кылмыш иши козголуп, үчөө 2 айга, бирөө 2 аптага камалды.