Сот "Темиров LIVE" жана "Клооп" медиалары боюнча маалымат берди
Бишкектин Октябрь райондук соту тарабынан "Темиров LIVE", "Айт Айт Десе" жана Клооп" медиаларынын маалыматтык материалдары экстремисттик деп табылды. Маалыматты Бишкек шаардык сотунун басма сөз кызматы тастыктады.
Маалыматка ылайык, райондук соттун чечими кечээ, 27-октябрда чыккан. Болот Темиров жана Ринат Тухватшиндин ишмердүүлүгү да экстремисттик деп таанылып, алардын жетекчилиги астында жогоруда аталган басылмалардын интернет баракчаларынын ишмердүүлүгүнө бөгөт коюлган.
Көзөмөл жүргүзүү Санариптик өнүктүрүү жана инновациялык технологиялар министрлигинин алдындагы Байланышты жөнгө салуу жана көзөмөлдөө кызматына жүктөлгөн.
Буга чейин аталган басылмалардын маалыматтык материалдары сот тарабынан экстремисттик деп таанылганын Region телеканалынын башкы директору Өткүрбек Рахманов билдирген.
0

Супер-Инфо
super.kg видео

















