Венгрия Чехия жана Словакия менен уюм түзүүнү көздөөдө

Венгрия Чехия жана Словакия менен бирге Борбордук Европада тышкы саясат жана Украина боюнча окшош көз караштагы мамлекеттердин альянсын түзүүнү көздөп жатат. Бул тууралуу Венгриянын тышкы иштер жана тышкы экономикалык байланыштар министри Петер Сийярто Минскте өткөн үчүнчү Евразия коопсуздугу боюнча эл аралык конференцияда билдирди.

Анын айтымында, мындай блокту Евробиримдиктин чегинде түзүү мүмкүнчүлүгү Чехиядагы парламенттик шайлоодо Андрей Бабиш жетектеген ANO кыймылы жеңишке жеткенден кийин каралышы мүмкүн.

"Бизде Словакия менен Венгриянын Европанын келечегине карата азыркы көз караштары, анын ичинде кызматташтык жана Украинанын ролу боюнча окшош пикирлер бар. Биз Чехиянын келечектеги өкмөтү да бул багытта биздин көз караштарды колдойт деп ойлойбуз, анткени биз бир партиялык үй-бүлөгө киребиз",- деди Сийярто.

Ал мындай борбордук европалык альянс бул өлкөлөрдүн эгемендүү тышкы саясатын ийгиликтүүрөөк жүргүзүүгө жардам бере турганын кошумчалады.

Politico басылмасы белгилегендей, мындай саясий альянстын түзүлүшү Европанын Украинага каржылык жана аскердик жардам көрсөтүү аракеттерин кыйла татаалдаштырышы мүмкүн.