Трамп Ким Чен Ын менен жолукпай турганын билдирди
АКШнын президенти Дональд Трамп Түндүк Кореянын лидери Ким Чен Ын менен жолукпай турганын билдирди. Буга чейин ал Азия өлкөлөрүнө болгон сапарынын алдында Ким Чен Ын менен жолугушууга кызыкдар экенин айткан болчу.
"Мен Ким Чен Ынды абдан жакшы билем. Биз жөн гана жолугушуу убактысын макулдашууга жетише алган жокпуз",- деди Трамп. Ал жолугушуу аркылуу Түндүк Корея жана Түштүк Корея ортосундагы чыңалууну азайтууну каалаганын кошумчалады.
Трамп АКШнын тарыхында Түндүк Кореянын лидери менен жеке жолугушкан алгачкы президент болуп саналат, анын мындай жолугушуулары үч жолу болуп өткөн. Ошондой эле ал Түндүк Корея аймагына кадам таштаган биринчи америкалык президент катары тарыхта калган.
Трамп Ким Чен Ын менен болгон мамилесин "мыкты" деп мүнөздөп келген, бирок Түндүк Кореянын ядролук куралдан арылуу программасы боюнча макулдашууга жетишүү мүмкүн болгон эмес.
0

Супер-Инфо
super.kg видео















