Эртең Трамп менен Си Цзиньпин Түштүк Кореянын Пусан шаарында жолугушат
Эртең, 30-октябрда АКШнын президенти Дональд Трамп менен Кытайдын төрагасы Си Цзиньпин Пусан шаарында жолугушат. Бул тууралуу Кытайдын Тышкы иштер министрлигинин сайтында кабарланды.
"Кытай жана АКШнын ортосундагы келишимге ылайык, Кытайдын төрагасы Си Цзиньпин Пусан шаарында АКШнын президенти Дональд Трамп менен жолугат", — деп айтылат билдирүүдө.
Маалыматта белгиленгендей, эки өлкөнүн лидерлери эки тараптуу мамилелерди жана өз ара кызматташуу маселелерин талкуулашат.
Трамп 1-октябрда Truth Social платформасында Си Цзиньпин менен жолугушуусу тууралуу билдирген болчу.
"Төрт жуманын ичинде мен Кытайдын президенти Си менен жолугам", — деп жазган ал.
Ошондой эле америкалык лидер сүйлөшүү учурунда АКШ менен Кытайдын ортосунда мурда түзүлгөн, Кытай америкалык айыл чарба продукциясын сатып алууга милдеттенген келишим боюнча маселени көтөрөрүн айткан.
0

Супер-Инфо
super.kg видео















