Кремль СССР ыдырагандан кийин мамлекеттер ортосундагы байланыштар сакталып калганын билдирди

СССР тарагандан кийин көптөгөн жаңы мамлекеттер пайда болгонуна карабастан, элдердин өз ара байланышы сакталып келүүдө. Бул тууралуу Орусия президентинин басма сөз катчысы Дмитрий Песков билдиргенин орус басылмалары жазышты.

"Көптөгөн көз карандысыз мамлекеттер түзүлдү, бирок элдер ошол эле бойдон калды. Элдердин ортосундагы гармония, тарыхый тамырлар жана өз ара пайда сакталып калды", — деди ал.

Песковдун айтымында, Орусия мурдагы СССР республикалары менен достук мамилелерди сактоого кызыкдар.

Мунун алдында Орусия президенти Владимир Путин Көз карандысыз Мамлекеттер Шериктештиги өзүнүн маанисин, анын ичинде гуманитардык багытта да жоготпогонун белгилеген. Ал ошондой эле СССР мезгилинде жаралган атаандаштык артыкчылыктарды сактап калуу маанилүү экенин жана бул милдет КМШга жүктөлөрүн баса белгилеген.

Ошондой эле Путин КМШ өлкөлөрүнүн лидерлерин декабрь айынын аягында Санкт-Петербург шаарында өтө турган бейрасмий саммитке чакырган.